Абай ауданы прокурорының орынбасары Ермек Айтымовтың айтуынша, әйел өз баласын Жаңаөзен қаласының тұрғынына сатқан.
«Ол нотариуста баланы беретіні туралы сенімхат рәсімдеп, ақысына 200 мың теңге мен алтын сырғалар жиынтығын алған», — деді прокурордың орынбасары.
1986 жылғы әйел баласын сатып, өзінің материалдық жағдайын жақсартпақ болған. Сатқан баласы оның 5-ші сәбиі. 4 баланы асырауға мүмкіндігі жоқ әйел осындай қадамға барғанын айтады.
Нәрестені сатып алушыны ғаламтор арқылы тапқан. Баланың анасына қатысты ҚР ҚК-нің 135-бабының 1-бөлімімен қылмыстық іс қозғалды. Енді ол 5 жылдан 7 жылға дейінгі мерзімге түрмеге отыруы мүмкін.