Жарияланды: 510

2003-жылдың қаңтар-маусым айларында Шығыс Қазақстан облысында негізгі капиталға салынған инвестиция көлемі 11 млрд. 282 млн. теңгені құрады

2003-жылдың қаңтар-маусым айларында Шығыс Қазақстан облысында негізгі капиталға салынған инвестиция көлемі 11 млрд. 282 млн. теңгені құрады. Бұл өткен жылдың осы мерзімімен салыстырғанда 19,9% артық. Бұл туралы облыстық статистикалық басқармадан KZ-today тілшісіне хабарлады.

Шығыс Қазақстан облысы республикалық жалпы инвестиция көлемінде 3%-тік үлес иемденіп, 10-орында тұр. Ал Шығыс Қазақстан облысы бойынша жалпы инвестицияның 45,8%-і Өскемен қаласының үлесіне тиеді. Инвестициялардың басым бөлігі, дәлірек айтсақ, 33% -і өңдеу өнеркәсібіне, 22,6%-і тау-кен өнеркәсібініне, 22,4%-і көлік және байланыс саласына , 2,4%-і ауылшаруашылығына арналды. Инвестицияның 44,4% -і құрал-жабдық, сайман және керек -жарақ сатып алуға, 54%-і құрылыс-нысандарды салу және күрделі жөндеу мақсаттарына жұмсалды. Негізгі капиталға салынған инвестицияның 83,8 проценті кәсіпорын және ұйымдардың өз қаржысы есебінен (2002-жылдың осы мерзімінде бұл көрсеткіш 87,6 процентті құраған болатын), ал 10 проценті республикалық бюджет есебінен (2002-жылы 0,8% ), 4,8 проценті жергілікті бюджет есебінен (2002-жылы 8,3%), 1,4 проценті шетелдік инвестиция есебінен (2002-жылы 3,3%) шығарылды.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть