Жарияланды: 550

2003-жылғы қыркүйек айында еліміздің барлық аймақтарында тұтыну бағаларының индексі өсті

2003 жылдың қыркүйегінде тұтыну тауарлары мен қызмет көрсету бағалары өткен аймен салыстырғанда Қостанай облысынан басқа, республиканың барлық өнірінде дерлік өсті. Бағаның аса көп өсуі Батыс Қазақстан (1,3%), Ақмола (0,7%), Ақтөбе, Атырау, Павлодар облыстарында және Астана қаласында (әр өңірінде 0,6%-ға), аса аз өсуі - Алматы қаласында (0,1%) тіркелді. Бұл туралы KZ-today тілшісіне ҚР статистика жөніндегі Агенттігінен хабарлады.

Агенттік мәліметіне жүгінсек, биылғы қыркүйекте азық-түлік тауарлары бағасының өсуі (1,8-0,1%) өткен аймен салыстырғанда республиканың 7 өңірінде байқалды. Қалған өңірлерде ол төмендеді (0,1%-дан 0,9%-ға дейін). 2003-жылдың қыркүйегінде азық-түлік емес тауарлардың бағасы Алматы облысынан басқа Қазақстанның барлық өңірлерінде өсті. Ең көп өсуі Атырау, Жамбыл облыстарында және Астана қаласында (1,9%), ең аз өсуі - Алматы қаласында (0,2%) байқалды. Халыққа ақылы қызмет көрсету бағалары мен тарифтері де өткен аймен салыстырғанда үстіміздегі жылдың қыркүйегінде Қызылорда облысынан басқа республиканың барлық өңірлерінде өсті. Ең көп өсуі Астана қаласында (1,4%), ең аз өсуі - Ақмола, Атырау және Жамбыл облыстарында (әр қайсысында 0,1%-ға) байқалды.

Пікір қалдырыңыз

Пікір қалдыру тіркелген пайдаланушылар ғана мүмкін