Аграрлық кредиттік корпорация 34 млрд теңге негізгі қарызын өтеді

«Аграрлық кредиттік корпорация» (АКК) «ҚазАгро» Ұлттық басқарушы холдингіне Ұлттық қордан тартылған 34 млрд теңге негізгі қарызын өтеп берді, деп компанияның баспасөз қызметі мәлімдеді.

Бұрын хабарланғандай, несие былтыр қарашада алынған. Қаражат 2013 жылы «ҚазАгро» ҰБК» АҚ несиелеу» бюджеттік бағдарламасы бойынша агроөнеркәсіптік кешен субъектілерін қолдау шараларын өткізу үшін тартылған қаражат орнына пайдаланылған.