«Аграрлық кредиттік корпорация» бөлінген қаражаттан 11 млрд теңгені ауылшаруашылық өнімін өндіру және өңдеуді арттыру үшін кредиттік серіктестіктер жүйесі арқылы ауылшаруашылық тауарын өндірушілерді несиелеуге, 9 млрд теңге мал шаруашылығын дамытуға бағыттамақ, деп корпорацияның баспасөз қызметі мәлімдеді.
Бюджет қаражатын игеру ұзақ мерзімдік негізде ауылдық кәсіпкерлерді жеңілдетілген несиелеумен қамтуға мүмкіндік береді. Бұл ауылшаруашылық өнімін өндіріп, өңдеуге, техника, мал сатып алуға, осылайша елдің азық-түлік қауіпсіздігін қамтамасыз етуге қатысуын және ауыл тұрғындарының әлеуметтік-экономикалық жағдайын жақсартуға ықпал етеді.