Әлемнің жетекші банктері клиенттерді бірлесіп тексеріп көрмек

Әлемнің ірі банктері, оның ішінде HSBC Holdings Plc және Morgan Stanley келіссөздер жүргізуде. Олар ақшаны заңдастыру және терроризмді қаржыландыру жөніндегі операцияларға клиенттердің қатыстылығын тексеру үшін бірыңғай қызмет құруды көздеп отыр.


           Financial Times-тің жазуынша, бұл саладағы реттеушіліктің қатаңдатылуы банктерді шығынды шамалы болса да азайту үшін ресурстарды біріктіруге мәжбүрлеп отыр.Әңгіме әзірге корпоративті және институциональды клиенттерді тексеру хақында ғана.
           Банктер сондай-ақ деректерді және технологиялық топтарды басқару жөніндегі компаниялармен, яғни Markit, The Depository Trust and Clearing Corporation, Broadridge Financial Solutions, Swift және Lysis Financial-пен арада сондай ынтымақтасу мүмкіндіктерін де қарастыруда.
           FT деректеріне қарағанда, ондай алғашқы хабарландыру дүйсенбіде жарық көруі ықтимал.