Баспасөз қызметінің ақпаратына сүйенсек, қылмыстық іс ҚР Қылмыстық кодексінің 307 бабының 4 тармағы бойынша қозғалған (лауазымын асыра пайдалану).
«Контрабанданы анықтауға тікелей жауапты бұл тұлғалар ҚР азаматына аса ірі көлемдегі валютаны контрабандалық жолмен еш кедергісіз шығаруға мүмкіндік жасаған. Ол азаматқа да қатысты 209 баптың 2 тармағы (бірнеше мәрте қайталанған экономикалық контрабанда) бойынша қылмыстық іс қозғалды», — деп хабарлады баспасөз қызметі.
ҰҚК мәліметтеріне сүйенсек, 340 мың евро алып жүрген бұл адамды үстіміздегі жылы 29-ақпанда ҰҚК қызметкерлері Алматы әуежайында тұтқындаған. «Содан бір күн бұрын оны Алматы — Стамбул бағытындағы әуе рейсімен 100 мың евроны контрабандалық жолмен әкетпекші болған кезде Алматының кедендік бақылау департаментінің қызметкерлерінің тұтқындағаны анықталды. Алайда, өз өкілеттіктерін асыра пайдалана отырып, кеденнің лауазымды тұлғалары оған бұдан да көп декларациядан өткізілмеген қаржымен келесі күні Стамбулға ұшуға барлық қажетті жағдайды жасап берген».
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті