Түзеу мекемесінде кәмелеттік жасқа толмаған 50-ге жуық бала жазасын өтеп жатыр. Оларға тағылған айып әр түрлі. Бірі ұрлық жасаса, енді біреулері кісі өлтіріп, діни теріс ағымды насихаттап сотталған. Олардың бірі жасаған әрекетіне қатты өкінетінін айтып, қонаққа келген қатарластарына дұрыс жүруге кеңес берді.
Ескелді ауданының прокурорлары бұл шараны ішкі істер бөлімінде тіркеуде тұрған жасөспірімдер сотталған замандастарының қателіктерін қайталамауы мақсатында ұйымдастырды. Темір тордың ар жағындағы тіршіліктен сабақ алған оқушылар, болашақта тәртіп бұзбай, дұрыс жүріп-тұруға белін бекем буып қайтты.