Алматы облысында ішек инфекциясын жұқтырғандар саны 123-ке жетті

 Алматы облысының Еңбекшіқазақ ауданындағы Қайназар ауылында ішек инфекциясын жұқтырғандар саны артып отыр.


           Денсаулық сақтау министрлігі хабарлағандай, 24-30-қыркүйек аралығында медициналық көмекке жүгінген 123 адамның 40-ы ауруханаға жатқызылды.
           Зертханалық тексеру жүргізген сарапшылар дизентерия қоздырғышын тапты. Сырқаттардың жағдайы қанағаттандырарлық деңгейде.
           Қазір құбыр жүйесінің жұмысы тоқтатылып, суды тазарту, зарарсыздандыру шаралары жүріп жатыр. Ал, ауыл тұрғындарына алты көлікпен су жеткізілуде.