Алматыда әйел адам пойыздың астына түсіп, мерт болды

Кеше сағат 14.00-де Алматы-2 станциясының 6-жолында 59 жастағы Алматы қаласының тұрғыны өзінің абайсыздығынан жүк пойызының астына түсті, деп хабарлады ҚР ІІМ Көліктегі ІІД баспасөз қызметінен.

Әйел алған жарақаттарының салдарынан оқиға орнында көз жұмды.

Марқұмның денесі Алматы қаласының мәйітханасына жеткізілді. Сот-медициналық сараптамасы тағайындалды.

Тергеу амалдары жүргізілуде.