Алматыда диабетке шалдыққандар арасында Қазақстандық 3-ашық спартакиада өтеді

Спартакиаданы өткізуге ҚР диабеттік Қауымдастығымен қатар ҚР Қорғаныс министрлігінің Орталық Армия спорт клубы мұрындық болып, ҚР парламентінің мәжілісі, ҚР денсаулық сақтау министрлігі, Алматы әкімшілігі, ҚР туризм және спорт Агенттігі мен "Ново Нордиск" және "Авентис" компанияларының қолдауымен жүзеге аспақшы. Сайыстарға еліміздің барлық облыстары мен Өзбекстаннан келген диабетке шалдыққан адамдардан құралған командалар қатысады. Сөйтіп Қазақстан диабетке шалдыққандар арасында осындай 2 спартакиада өткізген ТМД аясындағы ең бірінші елге саналды. Өткен спартакиадалардың жеңімпаздары Ванкувер (Канада) және Давоста (Швейцария) өткен халықаралық спорттық бәсекелерде Қазақстанның намысын ойдағыдай қорғап қайтты.