Алматыда Дүниежүзілік денсаулық сақтау ұйымы төрағасының ТМД денсаулық сақтау министрлерімен кездесуі өткізілуде

Бүгін, 23-қазанда Алматы декларациясының 25-жылдығына арналған Қазақстан терапевтерінің 6-құрылтайы аясында Дүниежүзілік денсаулық сақтау ұйымының бас директоры Йонг Вук Лидің ТМД денсаулық сақтау министрлерімен кездесуі өткізілуде,- деп хабарлайды KZ-today тілшісі.

Кездесуге ҚР денсаулық сақтау министрі Жақсылық Досқалиев, РФ денсаулық сақтау министрі, ТМД Атқару комитетінің өкілі Юрий Шевченко, Беларусь, Әзербайжан, Армения, Қырғызстан, Өзбекстан, Түрікменстан денсаулық сақтау министрлері, Грузия, Молдова, Украина және Тәжікстан республикаларының медициналық мекемелерінің өкілдері қатысты . Кездесуге қатысушылар Достастыққа мүше елдердің денсаулық сақтау жүйелері арасындағы өзара ынтымақтастықты дамыту, оларды әлемдік медицинаға интеграциялау, сондай-ақ, олардың Дүниежүзілік денсаулық сақтау ұйымы аясындағы іс-қызметін пәрмендендіру мәселелерін талқылайды.

Әріптестер жаңалығы

Пікір қалдырыңыз