Алматыда қазіргі заманғы өнер фестивалі өткізіледі

19-24-қыркүйек аралығында Алматыда "Art-Upgrade" деген атаумен қазіргі заманғы өнер фестивалі өткізіледі. Бұл туралы бүгін, 24-тамызда KZ-today ақпараттық агенттігінің баспасөз орталығында өткен баспасөз мәслихатында шараны ұйымдастырушылар құлағдар етті.

«Art-Upgrade» фестивалінің басты мақсаты — дүниежүзінің жас қылқалам шеберлерінің 10 жыл бойы жинақталған арт-туындыларын жұртшылық назарына ұсынуға саяды. Фестиваль директоры Инесса Финкельштейннің мәлімдеуінше, байқау «дарынды жастарға өз жобаларын жүзеге асыруға септігін тигізу» мақсатын көздейді.