Алматыда заңсыз жүрген 62 шетелдік елден шығарылған

Көші-қон қызметінің мәліметінше, қалада жергілікті полиция қызметінің көмегімен заңсыз көші-қон деректерін анықтауға бағытталған бірлескен жедел-профилактикалық іс-шара жүргізілуде, деп хабарлайды Caravan.kz медиа порталы Polisia.kz-ке сілтеме жасап хабарлайды. 

Құрылыс нысандарын тексеру нәтижесінде Қазақстан Республикасында болу ережелерін бұзған 277 шетелдік анықталған, олардың 28-і алыс шетелдердің: Нигерия – 11, Түркия – 19, Үндістан – 3, Филиппин – 2, Қытай – 1, Иран – 1, сондай-ақ көршілес елдердің 249 азаматы: Өзбекстан – 184, Ресей – 38, Тәжікстан – 18, Түрікменстан – 4, Әзірбайжан – 3, Қырғызстан – 1 және Украина – 1.

Жеке басын куәландыратын құжаттары жоқ 145 шетел азаматы қабылдап-таратуға орналастырылса, тағы 62-сі сот шешімімен елден шығарылған. Сонымен қатар шетелдіктерді шақыру ережелерін бұзған және олардың дер кезінде елден шығуын қамтамасыз етпеген 82 заңды тұлғаға шара қолданылған.