Тәртіп сақшыларының ақпаратына сәйкес, азаматтық полицияның сынақ түріндегі отряды №157 орта мектептің базасында құрылған. Баспасөз қызметінің хабарлауынша, «сынақ отрядының құрылуы нәтижесінде мектепте кіші сынып оқушыларынан ақша бопсалау деректері тыйылған».
«Отряд мүшелері өз бастамасы бойынша мектептің жанында орналасқан дүкендерге рейдтер жүргізді. Оның барысында сатушыларға кәмелеттік жасқа жетпегендерге спиртті және темекі өнімдерін сатқан жағдайда құқық қорғау органдарына тиісті ақпарат жолданатындығы туралы ескерту жасалды. Соның арқасында бүгінде жасөспірімдерге тыйым салдынған заттарды сату деректері жойылды»,- деді Алматы қалалық ІІД-нің кәмелеттік жасқа жетпегендер ісі жөніндегі инспекциясының жетекшісі Айгүл Шөпшекбаева мектеп директорларының қатысуымен өткен семинар-кеңесте.
Мектеп директорларымен кездесуде инспекторлар қаладағы барлық мектептерде оқушылардан азаматтық полиция құру жөнінде ұсыныс жасалды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті