Алматының барахолкасында өрт шықты

Алматы қаласының базарларының бірінде (барахолка)  үлкен өрт болып жатыр, - деп хабарлайды оқиға орын алған жерден куәгерлердің бірі.

Сол жердегі сатушылардың айтуына қарағнада, өрт "Аян"  - аяқ-киім сататын жерден тұтанған. оқыс оқиға болған жерге, кем дегенде,  төрт өрт сөндіру техникасы келіп жеткен.  Қазір өрт сөндірушілер тілсіз жаумен арпалысуда, ал ол жерге жақын келудің тіпті мүмкіндігі болмай тұр.  Алматы ТЖД -нің алдын ала болжауынша, өрт  300 шаршы метрді шарпыған.   Өрт сөндірушілердің ескертуіне қарамастан, саудагерлер  тауарларын аман алып қалу үшін өрттің ішіне кіріп, кедергі келтіруде.

Оқиға толық бақылануда.  Ақпарат толықтырылып отырылады.