Ақмола облысында белгісіз біреулер төрт ауыл тұрғынының шөбін өртеп жіберген

Ақмола облысы Ерейментау ауданының Еркіншілік ауылында кеше бірден бірнеше өрт шықты.


           «Интерфакс-Қазақстан» агенттігіне бүгін облыстық төтенше жағдайлар департаменті мәлімдегендей, алдымен 1970 жылғы тұрғынның бес тонна шөбі өртенген. Алдын ала болжам бойынша, біреулер қасақана өрт қойған.
           Бірнеше уақыттан кейін 1961 жылғы азаматтың 24 тонна шөбі өртенген.
           Келесісі1962 жылғы азамат болды. Оның 18 тонна шөбі өртенді.
           Мұнан кейін 1952 жылғы азаматшаның 25 тонна шөбі жанып кеткен.
           Өрт қою фактілерін полиция тексеруде.