Құрлықтағы әскери күштердің қолбасшысы, генерал Джеймс Амос "генерал-майор Чарльз Гурганус пен Грегг Стурдевант Ауғанстанның оңтүстігіндегі Гельманд уәлаятында Бастион лагеріндегі (Camp Bastion) әскери күш мен техниканы тиісті дәрежеде қорғай алмады" деген тұжырым жасады.
Қолбасшы екі генералды отставкаға кетуге шақырып, олар жұмыстан шығуға өтініш берді.
2012 жылы қыркүйекте "Талибан" жасақтарының лагерге жасаған шабуылынан америкалық екі сарбаз қаза тауып, сегізі жараланған болатын. "Талибан" бұдан өзге, америкалық алты Harrier шабуылшы ұшағын жойып жіберіп, бірнеше әскери техниканы бүлдірген. Ал шабуыл жасаған 15 содырдың 14-і қаза тауып, біреуі қолға түскен еді, деп хабарлайды «Азаттық».