Жарияланды: 870

Ақтөбе облыстық СЭС тазалық және індеттен сақтану нормаларын орындамауға байланысты екі мектепті жапты

Ақтөбе облыстық СЭС тазалық және індеттен сақтану нормаларын орындамауға байланысты қалалық 12-ші және Қызылауылдық орта мектептерін жабу жөнінде нұсқау берді. Бұл туралы KZ-today тілшісіне облыстық тазалық және індет станциясынан хабарлады.

Мектеп ғимараттарының іргетасы отырып, сумен қамтамасыз ету жүйесі істен шығып, су құбыры жүйесі әбден тозығы жетіп, шатырынан су ағу салдарынан оқушылардың білім алуына ешбір жағдай болмай отыр. Коммуникациялық жүйесі жедел жөндеуді талап етіп тұрған №19 және №10 мектептерге де осындай талап қойылды. Ал №33 және №4 мектептерде құбыр жүйесі мүлдем жоқ болып шықты. Мемлекеттік тазалық індет бақылауы жөніндегі қызмет мамандарының айтуынша, "қаржының тапшылығынан көптен бері күрделі жөндеуден өтпеген ауыл мектептерінің басым бөлігі апатты жағдайда. Айтеке би ауданындағы үш мектеп те жабылу кезегін күтіп тұр. Бұл мектептердің ғимараттары мүлдем дерлік істен шығудың аз-ақ алдында ".

Пікір қалдырыңыз

Пікір қалдыру тіркелген пайдаланушылар ғана мүмкін