«Қылмыстық іс ҚР ҚК 125-бабының 2-тармағы — кәмелеттік жасқа толмаған баланы ұрлау бойынша қозғалды. Тергеудің құпия жүргізілуіне байланысты қандай да бір нұсқалар таратылмайды», — деп атап өтті ІІД баспасөз қызметкері Ардагер Уайдин.
Аталған бап бойынша бала ұрлаушы 4-тен 7 жылға дейінгі мерзімге бас бостандығынан айырылуы мүмкін.
Осы күні іздеу шараларына 1500-ден астам полиция қызметкері тартылған, олардың арасында әскери институттың 500 курсанты, 800-ден астам студент пен еріктілер бар. Ормандар мен су қоймаларды квадрациклдармен тексеріп, әуе көлігімен іздеу де жүргізілуде.