Жарияланды: 150

Ақтөбеде қалталы азаматтарға шабуыл жасамақ болған жас жігіт ұсталды

Ақтөбеде қалталы азаматтарға шабуыл жасамақ болған жас жігіт ұсталды

Ақтөбеде қалталы азаматтарға шабуыл жасамақ болған 25 жастағы күдікті ұсталды. Одан қару мен есірткі заттары тәркіленді.

Бұл туралы облыстық ІІД баспасөз қызметіне сілтеме жасап ҚазАқпарат тілшісі хабарлайды.

Ақтөбе облыстық ІІД Ұйымдасқан қылмысқа қарсы күрес басқармасы жедел-іздестіру жұмыстарын жүргізді. Ақтөбе қаласының 25 жастағы тұрғынынан 16 калибрлі аңшы мылтығының ұңғысы, оқ-дәрі мен газетке оралған марихуана табылды. Кейін полиция қызметкерлері мекенжайын анықтап, үйінен қару мен діни мазмұндағы кітапша, парақшалар тәркіледі.

«Дінді жамылып, сақал өсіріп, өзіне «Халил» деп лақап ат қойған күдіктінің есірткі тұтынатыны анықталды. Ол Ақтөбенің қалталы азаматтарына шабуыл жасау үшін жоспар құрған. Қазіргі кезде Қылмыстық кодекстің «Есірткі, психотроптық заттармен, сол тектестермен, прекурсорлармен өткізу мақсатынсыз заңсыз жұмыс істеу», «Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру» баптары бойынша іс қозғалды. Тергеу жүріп жатыр», - деп хабарлайды облыстық ІІД баспасөз қызметі.   


 

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть