«Ұйымдастыру комитетінің қызметін қамтамасыз ететін жұмыс тобының бірінші кезектегі міндеттерін белгілей келіп Қ.Тоқаев жиынның 2010 жылы Қазақстанның ЕҚЫҰ-на төрағалық етуі қарсаңындағы ерекше маңызын, сондай-ақ еліміздің әлем қоғамдастығында беделді әрі жауапты мүшесі ретінде халықаралық келбетін нығайтатынын атап өтті», — деп көрсетілген баспасөз қызметі таратқан хабарламада.
Біздің еліміздің аймақтық өлшемде артып келе жатқан рөліне, қазіргі замандағы жаһандық үдерістерге белсенді қатысуға қатысты мәселелерге тоқтала келіп ұйымдастыру комитетінің төрағасы бұл жетістіктер президент Н.Назарбаевтың Қазақстан халқына жолдауында айтылған сыртқы саясат туралы бастамаларын жүзеге асырудың маңызды негізі екенін атап өтті.
Ол сондай-ақ «осынау жауапты шара біздің мемлекетіміздің елордасының халықаралық тұсаукесері өткен күннің 10 жылдығын мерекелеу қарсаңында болатыны» тұрғысындағы ерекшелігіне де назар аударды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті