Жарияланды: 40

Астанада полиция қызметкерлері бір тәулікте 9 мас жүргізушіні ұстады

Астанада полиция қызметкерлері бір тәулікте 9 мас жүргізушіні ұстады

Астанада патрульдік полиция қызметкерлері бір тәуліктің ішінде мас күйде рөлге отырған 9 жүргізушіні ұстады, деп хабарлады қалалық полиция департаментінің баспасөз қызметі.

Мәселен, Байсейітов көшесінің бойында "Део Нексиа" автокөлігі тоқтатылды. 36 жастағы жүргізуші полиция қызметкерлерінің талабы бойынша бірден тоқтамай, көлік қозғалысын жалғастыра берген.

Медициналық куәландыруға барғаннан кейін алкоголь ішкені, орташа дәрежеде мас екені анықталды.

Жүргізушіге қатысты мас күйінде көлік құралын жүргізгені үшін ҚР ӘҚБК 608-бабының 1-бөлігі бойынша әкімшілік іс қозғалды. Автокөлік коммуналдық тұраққа қойылды.

Бұл баптың санкциясы он бес тәулікке әкімшілік қамауға алуды және жеті жыл мерзімге көлік құралын басқару құқығынан айыруды қарастырады.

Астана қаласының полиция департаменті автокөлік иелеріне жол ережесін сақтауды және алкогольдік немесе есірткілік мас күйінде көлік жүргізбеуді ескертті.

Пікір қалдырыңыз

Пікір қалдыру тіркелген пайдаланушылар ғана мүмкін