Астананың 20 мыңнан астам зейнеткері Қарттар күніне орай 20 $-дан алады

Астананың жасы жетпіске жеткен тұрғындары Қарттар күні құрметіне үш мың теңгеден материалдық көмек алады, деп елорда әкімдігі мәлімдеді.


           Қазіргі кезде қалада жасы бойынша 57 мыңнан астам зейнеткер бар, оның ішінде 277-сі — Ұлы Отан соғысына қатысқандар, 4,4 мыңнан астамы тыл еңбеккерлері, делінген қала әкімшілігінің ресми интернет ресурсында.
           Бұл күні қаланың түрлі басқармалары бірқатар мерекелік шаралар мен қайырымдылық акциялар өткізеді.
           Халықаралық Қарттар күні 1 қазанда атап өтіледі.