Атырауда «Алматы-Атырау» бағытында жүйелі түрде қатынап тұрған ұшақ шұғыл түрде жерге қонды. Ұшақта болған жолаушылардың сөзіне қарағанда, оның шассиі жұмыс істемесе керек. «Атырау» халықаралық әуежайында болған жағдайға байланысты қандай да бір түсініктеме беруден бас тартты. Олар тек әуе кемесінің Атырауда екендігін және оны мамандар қарап жатқанын мәлімдеді.
Алматыға бармақ болған жолаушылар жақын арадағы рейстермен жіберілмек. Соның ішінде Атырауға бірнеше сағат бойы кешігіп жатқан «Амстердам-Атырау-Алматы» борты да бар. Алматыдан шығатын рейске кешіккендер, соның ішінде шетелге ұшпақшы болғандарға билеттің жоғалғанына қарамастан оның өтемақысы — 400 доллар қайтарылатынын түсіндірді.