Жарияланды: 120

Атырауда екі қабатты үйдің едені опырылып түсті

Атырауда екі қабатты үйдің едені опырылып түсті

Ауданда авариялық үйді тексеру үшін арнайы комиссия құрылған.

Атырау облысы Құрманғазы ауданында екі қабатты үйдің едені опырылып түсті, деп хабарлайды ҚазАқпарат.

ТЖД Атырау облысының Ганюшкино кентіндегі авариялық жағдайда тұрған үй еденінің опырылып түскендігін растады.

«Бұл төтенше жағдай Құрманғазы ауданының орталығы Ганюшкино кентінде болды. 1970 жылы салынған екі қабатты үйдің 7 шаршы метрдей бетон едені опырылып түсті. Үйде 70 адам тұрып жатыр. Оқиғадан ешкім зардап шеккен жоқ. Үй авариялық үйлер тізімінде тұр»,- деді өңірдегі төтенше жағдайлар қызметі.

ТЖҚ хабарлауынша, ауданда авариялық үйді тексеру үшін арнайы комиссия құрылған. Сондай-ақ, аудан әкімдігі авариялық үйде тұрып жатқан тұрғындарды басқа үйге көшіру мәселесін қарап жатыр.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть