Жарияланды: 30

Атырауда көп қабатты үй өртенді

Атырауда көп қабатты үй өртенді

Атырауда көп қабатты үйдегі пәтер өртеніп, оқиға орнынан 35 адам эвакуацияланды, деп хабарлайды Төтенше жағдайлар комитетінің баспасөз қызметі.

4 қаңтар күні сағат 10:43-те құтқару қызметіне Датұлы көшесіндегі бес қабатты үй жанып жатыр деген хабар түскен.

Оқиға орнына келіп жеткен өрт сөндірушілер жалынның 5-ші қабаттағы пәтерде тұтанғанын көрген. Ең алдымен осы үйде тұратын 35 адам қауіпсіз жерге шығарылды. Оның ішінде сегізі – балалар. Сонымен бірге бесінші қабаттағы 1981 жылы туған ер адам автосаты арқылы құтқарылды. Қолданылған шаралардың арқасында 5 шаршы метр аумақтағы өрт сағат 11:03-те сөндірілді, - делінген хабарламада.


Тілсіз жаудың себебі анықталып жатыр. Өртті сөндіруге Атырау облыстық төтенше жағдайлар департаментінің жеке құрамынан 10 адам және 3 техника жұмылдырылды.

Пікір қалдырыңыз

Пікір қалдыру тіркелген пайдаланушылар ғана мүмкін