Ауыл шаруашылық министрлігі ет импорттауға квота бөлу қағидаларын қайта қарауды ұсынуда

«Біздің ведомство құс етінен өзге, еттің барлық түрлері бойынша квота бөлудің тарихи қағидасынан бас тартып, ең алдымен отандық өңдеушілердің сұранысын қанағаттандыру туралы ұсыныс енгізді», — деп А.Мамытбеков бүгін Астанада селекторлық кеңесте атап көрсетті.

«Өңдеушілердің сұранысын толық қанағаттандырғаннан кейін трейдерлер арасында тарихи қағидамен бөлу қажет. Мұндай пікірді біз депутаттардың біразына айттық, олар қолдап отыр», — дейді ол.