Жарияланды: 580

"Батыс Еуропа-Батыс Қытай" көлік дәлізі жобасының Қазақстан жағына қарасты бөлігін жүзеге асыруда сыналған технологиялар пайдаланылады - Ахметов

Астана. 24 қыркүйек. "Қазақстан Бүгін" - "Батыс Еуропа-Батыс Қытай" көлік дәлізі жобасының Қазақстан жағына қарасты бөлігін жүзеге асыруда Астана - Щучинск бағытындағы Қазақстан бойынша бірінші автобанды салуда сыналған технологиялар мен материалдар пайдаланылады. Бұл туралы бүгін VII "Трансевразия - 2008" халықаралық конференциясы барысында ҚР көлік және коммуникация министрі Серік Ахметов мәлім етті, деп хабарлайды агенттік тілшісі.

"Қазақстанда қазір жаңаша технологияларды пайдалану негізінде оське түсетін шектеулі жүктеме 13 тоннаны құрайтын жолдар салынуда. Атап айтсақ, ұзындығы 225 шақырымдық Астана - Щучинск тас жолын салуда жаңаша технологиялар мен заманаи материалдарды пайдалана отырып цементті-бетонды жабын төселді", - деді С. Ахметов. Сонымен бірге, Қазақстан таяу уақыттарда халықаралық маңызы бар және халықаралық стандарттаға сай келетін 2 мың шақыырмға жуық автожолдарды салу және жөндеуді жоспарлауда. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть