Жарияланды: 450

Бельгиядағы Қазақстан елшісі еліміздің Еуропалық Одақ пен Солтүстік Аталантикалық Альянстағы өкілдігінің басшысы қызметін қоса атқаратын болды

Бельгиядағы Қазақстан елшісі Константин Жигалов еліміздің Люксембургтегі, Нидерландыдағы елшісі әрі Еуропалық Одақ пен Солтүстік Аталантикалық Альянстағы (НАТО) Қазақстан өкілдігінің басшысы қызметтерін қоса атқаратын болды.

Елшіні тағайындау туралы жарлыққа Елбасы Нұрсұлтан Назарбаев қол қойды. К.Жигалов 1959-жылы Семейде туған. 1981-жылы С.Киров атындағы Қазақ мемлекеттік университетін тарихшы мамандығы бойынша бітірді. Әр жылдарда президенттің көмекшісі, ҚР сыртқы істер министрінің орынбасары, ал 1996-2000-жылдар аралығында Ұлыбританиядағы Қазақстан Республикасы елшілігінің кеңесші-елшісі, 2000-жылдың қараша айынан бері Қазақстанның Польшадағы елшісі қызметтерін атқарды. Ал соңғы жылдарда Қазақстан Республикасының Бельгиядағы төтенше және өкілетті елшісі болды.

Пікір қалдырыңыз

Пікір қалдыру тіркелген пайдаланушылар ғана мүмкін