Жалдамалы пәтерде құрбыларымен туған күнін атап өткен бойжеткенді қонаққа келген екі жігіт кезектесіп зорлаған. Ал әрекеттерін таспаға түсіріп, жәбірленушіні үш күн бойы үйден шығармапты. Кейін оны қаладағы моншаларда жезөкшелікпен айналысуға мәжбүрлеген. Бұған алғашқыда көнбеген қызды «суреттеріңді ғаламторға саламыз» деп қорқытыпты. Пәтерді тінткен тәртіп сақшылары үйдегі қылмысқа қатысы бар дүниелерді түгел тәркіледі. Ал оңай жолмен ақша таппақ болған 36 және 24 жастағы қос күдікті мұндай арсыздықты мастықпен жасағандарын айтып, ақталып жатыр.