Бүгін - Аяз Атаның туған күні

Қысқы сиқыршының жасы нақты нешеде екендігі белгісіз, айқыны - 2 мың жылдан астам. Аяз Атаның туған күн датасын балалардың өздері ойлап тапты, себебі нақты 18 қараша күні оның шыққан жері - Ұлы Устюгте қыс қаһарына мініп, аяздар соға бастайды. Көптеген мемлекеттерде бұл дата ресми түрде атап өтіледі. Бұл күні Аяз Атаға жазылған құттықтау хаттарды тастауға болатын арнайы пошта жәшіктері қойылады. Бұл мүмкіндікті жергілікті балалар мен туристер қуана-қуана қолданады. Ертегі сиқыршысын туған күнімен құттықтауға оның көптеген туысқандары - Финляндиядан Санта-Клаус, Якутия Аяз Атасы - Чисхан, карелиялық Паккайне, Чехиядан қысқы ертегіші Микулаш, Костромадан Ақшақар және тағы басқалар жиналады.