—Шалқар «чики-чики» ғой. Жоқ ,ақша жоқ. Қысқасы жоқ десейші, басыңды ауыртпа. Биылға ақша жоқ. Ақша болған жағдайда мұрын боғын шашыратып істейміз бәрін.
Креслода шалқайып отырып сұхбат берген Шалқар ауданындағы коммуналдық шаруашылыққа жауапты шенеуніктің ісін қазір тәртіптік кеңес тексеріп жатыр. Шалқардың жағдайы чики-чики деп күлкіге қалған бастықтың енді өз халі «чики-чики» болмайын деп тұр. Жергілікті тілшіге қыңыр жауап қайтарған Аян Қорқытұлы қызметімен қош айтысуы мүмкін. Атқамінердің өзі аяқасты ауырып қалыпты. Дегенмен жұмысқа шыққан бетте жауапқа тартылатын болады.