Екібастұзда «Жұмыспен қамту-2020» бағдарламасы басталды

Әкімдікте өткен кездесуде «Іскер-Эк», «Энергия-Капитал», «Екібастұзлифт» ЖШС мен жұмысқа орналаспаған жастар бағдарламаның бірінші бағытының орындалуын талқылады. «Біз жұмыс іздеп жүрген адамдардың барлығын «Жұмыспен қамту» жобасының базасына енгіземіз», - дейді қала әкімі Александр Вербняк. Комиссияның бірінші отырысында кәсіпкерлер «Жұмыспен қамту-2020» бағдарламасына қатысатын алғашқы үміткерлердің есімдерін атады. Бірінші алты айда мемлекет бұл қызметкерлерге еңбекақының 50 пайызын төлейді, қалған 50 пайыз жалақыны жұмыс беруші төлейді.