Жарияланды: 550

Елбасы АҚШ Ұлттық демократиялық институтының президентімен кездесті

Бүгін, 20-маусымда Елбасы Нұрсұлтан Назарбаев АҚШ Ұлттық демократиялық институтының президенті Кеннет Уоллокты қабылдады ,-деп хабарлайды KZ-today тілшісі Астанадан.

Журналистермен кездесуде Кеннет Уоллок :"Біз дүниежүзінде демократиялық үрдістерді тарату және дамыту жұмысымен айналысамыз. Бірақ біз демократияны елдерге күштеп таңбаймыз, өз тәжірибемізбен бөлісеміз",- деп атап көрсетті. Ол осы орайда ҰДИ - штаб-пәтері Вашингтонда орналасқан, дүниежүзінің барлық аймақтарында 50- ден астам өкілдіктері бар үкіметтік емес ұйым екенін хабарлады. Қазақстан Елбасымен кездесуді Кеннет Уоллок "жемісті кездесу" болды деді. "ҚР президенті кездесу барысында Қазақстандағы саяси және экономикалық реформалар туралы " әңгімелеп берді деді К.Уоллок. Нұрсұлтан Назарбаев сондай-ақ, экономикалық даму барысындағы демократияландыру процессінің маңызын жоғары бағалаумен бірге, Қазақстандағы болашақ парламент сайлауы, саяси партиялар мен үкіметтік емес ұйымдардың ролі мемлекетті ілгерілетудегі ролі туралы өз ой-пікірін ортаға салды ,- деді К.Уоллок.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть