Елбасы ресми сапармен Сауд Арабиясына аттанып кетті

Бүгін, 2-наурызда Елбасы Нұрсұлтан Назарбаев ресми сапармен Сауд Арабиясына жол тартты. Бұл туралы KZ-today тілшісіне ҚР президенті әкімшілігінің баспасөз қызметінен хабарлады.

Баспасөз қызметінің ақпаратына сәйкес, сапар барысында Қазақстан мемлекет басшысы ханзада Абдалла бен Абдель Әзизбен, сондай-ақ, Сауд Арабиясы Корольдігі үкімет басшысының орынбасары, қорғаныс және авиация министрі, Корольдіктің бас инспекторы , ханзада Сұлтан бен Абдель Әзизбен кездесіп, келіссөздер өткізеді. Сондай-ақ, Н.Назарбаев Сауд Арабиясының «САБИК» ұлттық компаниясында болып, ел астанасы Эр-Рияд пен басқа да қалалардағы көрнекті орындарды аралайды.