Мектеп оқушылары елбасымен тікелей хабарласа алатын интерактивтік сабақтар 19 қалалық және 21 аудандық мектепте өтеді.
«Бүгінде он-лайн режимінде сабақ өткізуге дайындық жұмыстары аяқталған»,- деп хабарлады департаменттегілер. Барлық мектептерде арнайы құрылғылар: веб-камералар, проекторлар, компьютерлер мен модемдер орнатылған, деп атап өтті олар.
Ақтөбенің кейбір мектептерінде оқушылармен бірге сабаққа аймақ басшылары да қатысады. «Мысалы, облыс әкімі Елеусін Сағындықов таңертеңнен бастап № 21 қалалық орта мектепте болады»,- деп нақтылап өтті департаменттегілер.
Ақтөбе облысында барлығы 460 мектеп бар.