Жарияланды: 570

Елімізде Біріккен Араб Әмірліктерінің елшілігі ашылады

Елімізде Біріккен Араб Әмірліктерінің елшілігі ашылады. Бұл шешім туралы Біріккен Араб Әмірліктерінің вице-премьері әрі мемлекеттік сыртқы істер министрі Шейх Хамдан бен Заид Аль Нахаян Қазақстан Республикасының осы елдегі төтенше және өкілетті елшісі Асқар Мусиновпен кездесуде мәлімдеді. Бұл туралы KZ-today тілшісіне ҚР СІМ-нің ақпарат және талдау басқармасынан хабарлады.

А.Мусинов Біріккен Араб Әмірліктері үкіметінің өкіліне сенім хатын табыс еткен болатын. Кездесу барысында тараптар екі жақты ынтымақтастықты дамыту және өзекті халықаралық проблемалар төңірегінде өзара пікір алмасты. Қазір бұл елде Қазақстанның бас консулдық қызметі жұмыс істейді. Ал төтенше және өкілетті елшінің функциясын республикамыздың Сауд Арабиясындағы өкілі атқарады.

Пікір қалдырыңыз

Пікір қалдыру тіркелген пайдаланушылар ғана мүмкін