Жарияланды: 510

Еліміздегі зейнетақы қорындағы активтерінің қайда жұмсалатыны анықталды

БЖЗҚ зейнетақы активтерін инвестициялау туралы есеп ұсынды.

2016 жылғы 1 шілдедегі жағдай бойынша БЖЗҚ зейнетақы активтері қоржынының ағымдағы құны 6, 22 трлн теңге болды – деп хабарлайды қордың баспасөз қызметіне сілтеме жасаған BAQ.kz.

Қазақстан Республикасының Ұлттық қорын басқару кеңесі отырысының 2016 жылғы 20 ақпандағы №01-9.2 хаттамасына сәйкес БЖЗҚ-ның зейнетақы активтері 2016 жылы мынадай бағыттарға инвестицияланатын болады:

— республикалық бюджет тапшылығын қаржыландыру үшін Қазақстан Республикасының мемлекеттік бағалы қағаздарын сатып алу;

— шетелдік қаржы нарықтарына инвестициялау үшін шетелдік валюта сатып алу;

— шағын және орта кәсіпкерлік субъектілерін қаржыландыру үшін екінші деңгейдегі банктердің келісілген қаржы құралдарына инвестициялау;

— квазимемлекеттік сектор субъектілерінің келісілген борыштық бағалы қағаздарына инвестициялау.
Зейнетақы активтері қоржынының құрылымы мынадай түрде берілген:

ҚР Мемлекеттік бағалы қағаздары (ҚР МБҚ). 2016 жылғы 01 шілдедегі жағдай бойынша қоржындағы ҚР МБҚ үлесі — 44,07%. Есепті кезеңде БЖЗҚ зейнетақы активтері қоржынындағы ҚР МБҚ өтеуге орташа өлшенген табыстылық жылына 12,5%-ды құрады.

Шетелдік мемлекеттердің МБҚ. Есепті күндегі шетелдік мемлекеттердің бағалы қағаздарының көлемі бірінші тоқсанмен салыстырғанда артып (естеріңізге сала кетейік, шетелдік мемлекеттердің МБҚ үлесі 2016 жылғы 1 сәуірде 0,85% болған), 289,29 млрд теңгені құрады (үлесі 4,65%).

Халықаралық қаржы ұйымдарының облигациялары. ХҚҰ облигацияларының қоржындағы үлесі бірінші тоқсанда 1,41%-дан 1,37%-ға дейін азайды.

ҚР екінші деңгейдегі банктеріндегі депозиттер. 2016 жылғы 01 шілдеде ҚР ЕДБ- дегі депозиттердің ағымдағы құны 429,1 млрд. теңгені құрады. 1 сәуірде қоржындағы депозиттер үлесі 5,57%-дан 6,89%-ға дейін артты. Депозиттер бойынша орташа өлшенген сыйақы мөлшерлемесі — жылына 15,44%.

2016 жылғы 01 шілдеде қоржындағы ҚР эмитенттерінің корпоративтік облигацияларының ағымдағы құны 107,73 млрд. теңгені құрады (үлесі 1,73%). Тоқсан ішінде ҚР эмитенттерінің корпоративтік облигацияларының негізгі борышы 5,28 млрдтеңге сомасында өтелді. Екінші тоқсанда ҚР корпоративтік облигацияларын сатып алу болған жоқ.

2016 жылдың екінші тоқсанында қоржын құрылымындағы жекелеген топтарға Қазақстан Республикасының квазимемлекеттік ұйымдарының облигациялары және екінші деңгейдегі банктердің облигациялары бөлінгендігін айта кеткен жөн.

ҚР квазимемлекеттік ұйымдарының облигациялары. 2016 жылғы 01 шілдедегі жағдай бойынша БЖЗҚ қоржынындағы квазимемлекеттік облигациялар құны – 663,19 млрд. теңге, меншікті үлесі – 10,65%.

ҚР екінші деңгейдегі банктерінің облигациялары. 2016 жылғы 01 шілдедегі жағдай бойынша қоржындағы ҚР ЕДБ облигацияларының үлесі 24,36%-ды құрады, ал ағымдағы құны – 1 516,37 млрд теңге.

2016 жылғы 01 шілдедегі шетелдік эмитенттердің корпоративтік облигацияларының ағымдағы құны 149,8 млрд теңге болды және қоржындағы олардың үлесі бірінші тоқсанда 2,78%-дан 2,41%-ға дейін төмендеді.

Сондай-ақ БЖЗҚ қоржынына шетелдік эмитенттердің PPN (құрылымдық ноталар) (0,70%), ҚР эмитенттерінің акциялары мен депозитарлық қолхаттары (1,79%), шетелдік эмитенттердің акциялары және депозитарлық қолхаттары (0,26%) кіреді.

Жалпы алғанда, қоржын құрылымы дұрыс табыстылықты қамтамасыз етуге мүмкіндік береді. 2016 жылдың бірінші жартыжылдығында таза инвестициялық табыс сомасы – 267,21 млрд. теңге.

Источник: Stan.kz

Пікір қалдырыңыз

Пікір қалдыру тіркелген пайдаланушылар ғана мүмкін