Жарияланды: 50

Елордада кәмелетке толмаған балалар автобуста тегін жүретін болды

Елордада кәмелетке толмаған балалар автобуста тегін жүретін болды Сурет - Dixinews.kz

Нұр-Сұлтанда кәмелетке толмаған балалар қалаішілік қоғамдық көлікпен тегін жүретін болды.

Бұл туралы «CTS» ЖШС басшысы Бекмырза Игенбердинов мәлім етті, деп хабарлайды Caravan.kz медиа-порталы ҚазАқпарат-қа сілтеме жасап. 

 «28 наурыздан бастап кәмелетке толмаған барлық балалар елордада қоғамдық көлікте тегін жүреді. Біз осындай шешім қабылдадық», - деді компанияның басқарма төрағасы Бекмырза Игенбердинов.

Еске сала кетсек бұған дейін елордадағы қоғамдық көлікке жауапты «Astana LRT» ЖШС атауы өзгергенін хабарлаған еді.

«Әу баста елордадағы халықтың саны 1 миллионға тек 2030 жылы жетеді деп болжанған еді. Алайда өздеріңіз көріп отырғандай, қала тез өсіп келеді. Компанияның жұмысын жандандырып, ребрендинг жүргізіп жатырмыз. Бұдан былай компаниямыздың атауы - City transportation systems, яғни қысқарта айтқанда CTS болмақ», - деді елордада өтіп жатқан көрме-конференция барысында Бекмырза Игенбердинов.

 

Пікір қалдырыңыз

Пікір қалдыру тіркелген пайдаланушылар ғана мүмкін