«Меніңше бүгінгі күні мәслихаттардың ревизиялық комиссияларын мәслихат хатшылығының аппаратынан шығарып, дербес мемлекеттік органға айналдыру дұрыс. Мәслихатқа есеп беретін, бірақ, Есеп комитетіне бағынышты, немесе мүлдем тәуелсіз мемлекеттік орган ретінде құрған жөн»,- деді О.Өксікбаев бүгін сенаттың жалпы отырысында сөйлеген сөзінде. «Осындай ұсыныс қазір дайын»,- деді ол.
Есеп комитеті басшысының пікірінше, «қазір ревизиялық комиссиялар заң жүзінде жұмыс істегенімен, іс жүзінде жоқтың қасы». «Бюджеттің атқарылуы мен жергілікті бюджеттерді олар қадағаламайды»,- деді ол.
Дегенмен, О.Өксікбаевтың айтуынша, «кейбір атқарушы органдар мәслихаттардың ревизиялық комиссияларына артық дербестік беруге қарсы». «Бұл жергілікті жерлердегі әкімдердің шаруасы деген жауап беріледі. Әкімдер өз маңында мұндай орган құруға құлықсыз»,- деді комитет басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті