Туристер, астаналықтар мен қала қонақтары мәдени оқиғалардың болатын орнын, күнін expo2017culture.kz сайтынан біле алады.
Бұл туралы ойын-сауық бағдарламасының таныстырылымына арналған баспасөз мәслихатында айтылды.
Түрлі жанрды қамтитын кешенді бағдарламаны жасауға 2 жыл уақыт жұмсалған. Мәдени іс-шаралар Қазақстанның көпұлтты халқының мәдениеті мен өнерінің жетістіктерін жан-жақты таныстыруды көздейді. Бір ғана «Астана Опера» театры көрермендеріне 70 қойылым ұсынып отыр. Ал, «Ла Скала» мен «Мариин» театрлары арнайы гастрольдік сапармен келеді. Сонымен қатар, EXPO аясында бірнеше халықаралық байқау ұйымдастырылады деген жоспар бар.
— Аталған кешенді бағдарлама түрлі жаңалықты қамтитын алдыңғы қатарлы қазақстандық және шетелдік шығармашылық ұжымдары мен спорт, өнер жұлдыздарының қатысуымен өтеді, деді ҚР Мәдениет және спорт министрлігінің департамент директоры Алмаз Нұразхан.