«Индустрияландыру басым бағыт болғандықтан, осы кездесудің өтетін орны ретінде Қарағанды облысы таңдалып алынды. Біз Германиямен арамыздағы қарым-қатынасымызда индустрияландыруды басым бағыт етіп алдық. Сонымен қатар Қарағандыда Германиямен бірлескен бірқатар жобалар ойдағыдай жүзеге асырылып жатыр», — деді журалистерге қазақстандық топтың басшысы, ҚР индустрия және жаңа технологиялар вице-министрі Альберт Рау.
Отырысқа қатысушылар Қазақстан мен Германияның экономикалық және әлеуметтік салалардағы қарым-қатынасының даму болашағын талқылауда. Елдердің шикізат, өнеркәсіп және технологиялық салалардағы әріптестік мәселелеріне ерекше назар бөлінді.
