Кездесу барысында тараптар білім беру және ынтымақтастық салаларындағы өзара іс-қимыл перспективаларын қарастырды,деп хабарлайды Caravan.kz медиа порталы.
Келісімге «Халықаралық бағдарламалар орталығы» АҚ Басқарма төрағасы Олжас Сәкенов пен «IDP IELTS Kazakhstan» директоры Әйгерім Оңдабаева қол қойды.
"Бүгінгі таңда Мемлекет басшысының "Болашақ" стипендиясын реформалауға қатысты тапсырмасын орындау шеңберінде бүгінгі шындыққа, ұлттық және жаһандық деңгейлердің қазіргі сын — қатерлеріне, сондай-ақ ел экономикасын дамыту басымдықтарына бейімделген Шетелде кадрлар даярлау тетіктерін одан әрі жетілдіру жөніндегі шаралар әзірленуде", — деді Сәкенов.
Келісім жасасудың негізгі мақсаты «IDP IELTS Kazakhstan» мен «Халықаралық бағдарламалар орталығы» АҚ «Болашақ» кандидаттарына тестке тұрақты негізде, сондай-ақ жоғары сұраныс кезеңінде квоталар беруге дайын екендігі болып табылады.
Сондай-ақ, тараптар екі тарапар асындағы өзара іс-қимылды одан әрі нығайтуға, оның ішінде ұзақ мерзімді және жемісті ынтымақтастықты арттыру жолымен өзара мүдделілік білдірді.
