Бұл туралы бүгін Астанадағы брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
«Абылай ханның 300 жылдығына мерекелеу аясында 5 қазанда Көкшетауда «Абылай хан және оның тарихи дәуірі» тақырыбында халықаралық ғылыми-тәжірибелік конференция өтеді. Сонымен қатар Абылай хан алаңында мәдени шараларды өткізу жоспарланған»,-деді ресми өкіл.
Мұнымен қоса, Көкшетау маңындағы Қызылжар атшабарында «Азат рухтың Абылай ханы» атты театрландырылған қойылым ұйымдастырылмақ.
«Абылай ханның 300 жылдығы аясында тарихи сана-сезімімізді одан ары қарай бекітуге бағышталған басқа да жалпыұлттық мерекелік шарларды өткізу көзделген»,-деді ол.