Лас-Вегастағы атыс: Көмек қорына $3,7 млн қаржы жиналды

Бұл туралы сейсенбі күні Лас-Вегастағы баспасөз мәслихатында 59 адамның өмірін жалмаған қайғылы оқиға болған қала орналасқан Кларк округі комиссиясының төрағасы Стивен Сисолак мәлім етті. 

Оның сөйлеген сөзін CNN телеарнасы көрсетті. «Соңғы дерек бойынша, көмек қорына $3,7 млн түскен, — деп атап өтті ол. — Қаржыны 47 мың адам аударған».

Оның айтуынша, төлемдердің бірі $500 мың, енді бірі — $100 мыңды құраған. Жергілікті билік пен Лас-Вегас шерифі Джозефа Ломбардоның бастамасымен құрылған қор $4 млн қаржы жинауды жоспарлап отыр.