Бұл туралы холдингтің баспасөз қызметінен хабарлады.
Еске салайық, «ҚазАгро» Ұлттық басқарушы холдингі Мәскеуде болатын бизнес-форумға 90-ға жуық қазақстандық шаруашылықтар мен агроқұрылымдар өкілдерін тартуды көздеп отыр, онда Қазақстан агробизнесінің экспорттық әлеуеті ұсынылады. Бизнес-форум қатысушыларының ішінде «ҚазАгроҚаржы» АҚ арқылы қаржыландырылған агрокәсіпорындарының саны оннан астам.
Екі күндік форум барысында еліміздің АӨК экспорттық мүмкіндіктері мен қазақстандық өндірушілер өнімдері ұсынылады.
Бизнес-форум бағдарламасы әлеуетті мәскеулік серіктестердің сауда алаңдарына және өндіріс базаларына баруды қамтиды. Қазақстандық кәсіпкерлер аймақтағы ұн комбинаттары, элеваторлары және астық сақтау қоймалары жұмыстарымен танысып, жергілікті ет және ет өнімдерін тоңазыту қоймалары мен ауыл шаруашылығы көтерме базарларында болады. Сондай-ақ, іс-шара нәтижесі бойынша Қазақстан Республикасы Ауыл шаруашылығы министрлігі мен Мәскеу Сауда және қызметтер департаменті арасында Өзара көмек пен ынтымақстастық туралы меморандумға қол қою рәсімі өтеді.