Міне, Қарағанды облысында 5 жылдан бері жазасын өтеп жатқан Тұржанов көптен көрмеген бауырымен амандасып жатыр. Ал «Киік» фирмасының құрылтайшысына тағылған айып тым ауыр. Ол 2008-ші жылы тендерді ұтып алып ұлттық санаққа қажетті бланктерді әзірлеумен айналысқан. Бюджеттің 758 млн теңгесі осы баспахананың шотына аударылып кейін ұрланыпты. Бірақ Серік Тұржанов тағылған айыпты мойындамай, істі қайта қарауды талап етті. Айтуынша, компаниясын жеке басқаруға беріп, өзі сол кезде премьер-министр Кәрім Мәсімовтың кеңесшісі қызметін атқарған. Ал тергеу материалдарына сүйенсек, кәсіпкер Статистика агенттігі басшыларымен үнемі телефон арқылы тілдесіп, келіскен көрінеді. Тек бүгін Мешімбаева мен Тұржановтың жауаптары бір-біріне кереғар шықты.
Серік Тұржанов:
— Сіздің Мешімбаеваның телефонмен сөйлескеніңіз рас па?
— Премьер-министрдің кеңесшісі ретінде сөйлестім.
— Болды.
Анар Мешімбаева:
— Тұржановпен телефон арқылы сөйлестіңіз бе?
— ЖОҚ.