Бейсенбіде сенатта 2018-2020 жылдарға арналған республикалық бюджет жобасын талқылау кезінде сөйлеген Сағадиев республикада биыл мұғалімдерді ағылшын тілінде сабақ беруге даярлау және ағылшын тілінде оқытуға көшу тәжірибесі жүргізіле бастағанын айтты, деп жазады azattyq.
"Келесі жылы биылғы жыл соңында осы тәжірибе нәтижесінде алынған мәліметтер бойынша мұғалімдер даярлау мен ағылшын тілінде оқыту кестесін көпшілік талқысына салып, өзгертеміз" деді Сағадиев.
Министрдің сөзінше, 2017 жылы елде тәжірибе аясында бір жарым мың мұғалім ағылшын тілінде сабақ бере бастаған. Ол қазір аталған мұғалімдердің тәжірибесі енгізіліп жатқан тұста жаңа пәндер зерттеліп жатқанын айтты.
Ерлан Сағадиев ағылшын тілін талап етілген деңгейде меңгерген мұғалімдердің жалақысына үстеме қосылатынын, ал мұғалімдерді ағылшын тілінде сабақ беруге дайындауға бөлінетін қаржы жыл сайын ұлғайтылатынын айтты.
