Назарбаев: Қазақстан Конституциясы елдің табысты дамуының берік тұғыры болып табылады

Елбасы Нұрсұлтан Назарбаев Қазақстан Конституциясы елдің табысты дамуының берік тұғыры болып табылады деп мәлімдеді.


           «Сіздерді Қазақстанның ең асты мерекелерінің бірі Конституция күнімен шын жүректен құттықтаймын! Конституция еліміздің табысты дамуының берік тұғыры. Конституцияның арқасында Қазақстан экономикасы мемлекеттік және жекеменшік, кәсіпкерлік еркіндігі және қоғам игілігі жолында меншікті пайдалану теңдігінің қағидаларына сәйкес дамуда», — деп мемлекет хатшысы Марат Тәжин Конмтитуция күніне арналған халықаралық ғылыми-тәжірибелік конференцияға қатысушыларға Қазақстан президентінің құттықтау сөзін оқып берді.
           «Әлеуметтік мемлекет ретінде Қазақстан Республикасының Ата заңы еңбек еркіндігіне құқық береді, неке және отбасын, ана мен әке болуды, балалық шақты мемлекеттік қорғауды қамтамасыз етеді, халық денсаулығын қорғайды, Елдің негізгі заңы мемлекеттік билік бірлігінің, оның барлық тармақтарының тиімді өзара байланысының іргетасына айналды», — делінген құттықтау сөзде.
           Н.Назарбаев конституциялық ережелер негізінде мемлекет пен дамушы институттардың, азаматтық қоғамның тығыз байланысы қалыптасатынын, жергілікті өзін өзі басқару дамитынын атап көрсетті.
           Қазақстанда Конституция күні 30 тамызда атап өтіледі.